ევროკავშირმა საქართველოში ჯანდაცვის სფეროში არაერთი მნიშვნელოვანი პროექტი განახორციელა, რომლებიც მიზნად ისახავს როგორც ინფრასტრუქტურის გაუმჯობესებას, ასევე ციფრული ჯანდაცვის სერვისების განვითარებას.

ევროკავშირი აფინანსებს EU4Health და EU4Georgia პროექტებს, რომლებიც მიზნად ისახავს კიბოს სკრინინგის ხელმისაწვდომობის გაზრდას. ევროკავშირმა დააფინანსა მამოგრაფიის აპარატები, საშვილოსნოს ყელის სკრინინგის ლაბორატორიები და ტრენინგები ექიმებისთვის. პროექტების ფარგლებში, ხორციელდება უფასო სკრინინგი საქართველოს სხვადასხვა რეგიონში.

2020 წელს, ევროპის საინვესტიციო ბანკმა (EIB) საქართველოს ჯანდაცვის ინფრასტრუქტურის გასაუმჯობესებლად €100 მილიონი გამოყო. ეს დაფინანსება მოიცავდა შვიდი ძირითადი საავადმყოფოს მოდერნიზაციას, მათ შორის ცენტრალური რესპუბლიკური საავადმყოფო, ბავშვთა ინფექციური დაავადებების საავადმყოფო და სხვ. ასევე, დაფინანსება მოიცავდა COVID-19-თან დაკავშირებული სამედიცინო აღჭურვილობის შეძენას.

ევროკავშირმა 2020-2021 წლებში საქართველოსთვის გამოყო €183 მილიონი, რომელიც მოიცავდა როგორც პირდაპირ ფინანსურ დახმარებას, ისე სამედიცინო აღჭურვილობისა და ვაქცინების შეძენას. ევროკავშირი იყო ერთ-ერთი მთავარი დონორი COVAX მექანიზმისთვის, რომლის მეშვეობით საქართველომ მიიღო Pfizer-ის, AstraZeneca-ს და Sinopharm-ის ვაქცინები.

2023 წლის ივნისში, ევროკავშირმა და გაეროს განვითარების პროგრამამ (UNDP) შიდა ქართლის რეგიონში, მეჯვრისხევის სოფელში, განაახლეს ამბულატორიული კლინიკა, რომელიც 6,000-ზე მეტ კონფლიქტით დაზარალებულ ადამიანს ემსახურება. პროექტი მოიცავდა შენობის სრულ რემონტს, ახალი სამედიცინო აღჭურვილობისა და ავეჯის მიწოდებას, ასევე გარემოს ადაპტირებას შეზღუდული შესაძლებლობების მქონე პირებისთვის.
2025 წლის მარტში, EU4Digital პროგრამის ფარგლებში, საქართველოში დაიწყო ePrescription-ის (ელექტრონული რეცეპტის) პილოტური პროექტი. ეს სერვისი საშუალებას აძლევს პაციენტებს, რომ თავიანთი ქვეყნის მიერ გაცემული რეცეპტები უცხო ქვეყნის აფთიაქებში ელექტრონულად იყოს ხელმისაწვდომი და ვალიდური.

ევროკავშირი მხარს უჭერს ნარკოპოლიტიკის ლიბერალიზაციას და ზიანის შემცირების პროგრამებს, მათ შორის მეტადონის ჩანაცვლებით მკურნალობას. ევროკავშირის დაფინანსებით ხორციელდება სპეციალური პროექტები, რომლებიც მიზნად ისახავს ნარკოდამოკიდებული პირების რეაბილიტაციას და მათი უფლებების დაცვას.

საქართველოს C ჰეპატიტის ელიმინაციის პროგრამა 2015 წლიდან მოქმედებს, მისი მთავარი პარტნიორი აშშ-ის დაავადებათა კონტროლის ცენტრია, თუმცა ევროკავშირმა უზრუნველყო შესაბამისი ლაბორატორიების მოდერნიზაცია და მოსახლეობის ჩართულობა სკრინინგის პროცესში.

ქარდები შეიქმნა ევროკავშირისა და კონრად
ადენაუერის ფონდის მხარდაჭერით, პროექტის „ერთიანი საქართველო ევროპისათვის” ფარგლებში. მის შინაარსზე სრულად პასუხისმგებელია “გრლზვეივი” და შესაძლოა, რომ იგი არ გამოხატავდეს ევროკავშირისა და კონრად ადენაუერის ფონდის შეხედულებებს.
European Union in Georgia
#EU4Georgia #KAS #CSF #EPRC #IJH #UnitedGeorgia4Europe